Wanderung Donnschtigsgruppe Gfelle – Schimbrig vom 06.09.2024

Chli Näbu ond chli Donscht no im Gfelle, de Tag werd emmer schöner, e so hemmers wölle.

Ofe Schimbrig met strammem Schritt, achtung Chueflade ond Schofdräck, Tritt för Tritt.

E rechtig verschessni Wanderig wärs gseh, wenn ned so soo vöu Sonneschien, Freud, Ussicht ond Gselligkeit wär debi.

Ongloublech wie hei mer das gnosse, e gschänkte Tag esch wie im Nu verflosse.

Bim Gröndli riese Merängge ond Töuersbeerli gschlemmet, 1.5 l Kafiglas gstemmet.

Dankbar ond zfrede guet Hei cho ond i de Linde no es paar Puletflügali gno.

Tanke tuusig för dä herrlichi Tag, s’nächscht Johr, semmer au weder parat.

von Mary Kurmann